Trais yn erbyn Menywod a Merched

Rydym yn anelu at:

• wella ymddiriedaeth a hyder y cyhoedd yn ymateb yr heddlu i VAWG.
• ddal yr heddlu i gyfrif am eu hymateb i VAWG.  
• adnabod a rhannu pethau i’w dysgu o achosion VAWG i wella arferion plismona ac atal niwed yn y dyfodol. 
• sicrhau bod y cyhoedd yn deall ein rôl o fewn ymdriniaeth yr heddlu â materion VAWG. 
 

Ein diffiniad o Drais yn erbyn Menywod a Merched yw:

Mae'r term 'trais yn erbyn menywod a merched' yn cyfeirio at weithredoedd o drais neu gam-drin y gwyddom eu bod yn effeithio'n anghymesur ar fenywod a merched. Mae'r troseddau a'r ymddygiad a gwmpesir gan y term hwn yn cynnwys treisio a throseddau rhywiol eraill, cam-drin domestig, stelcio, cam-drin ar sail 'anrhydedd' (gan gynnwys anffurfio organau cenhedlu menywod, priodas dan orfod, a llofruddiaethau 'anrhydedd'), yn ogystal â llawer o rai eraill, gan gynnwys troseddau a gyflawnir ar-lein.  

Pan rydym yn defnyddio’r diffiniad, rydym yn cyfeirio at amgylchiadau lle mae o leiaf un dioddefwr yn fenyw neu'n ferch (gan gynnwys menywod a merched traws) neu sy'n cael ei hystyried felly.    

Bydd ein gwaith yn cynnwys yr holl faterion sy'n dod o fewn ein diffiniad, gyda ffocws ar VAWG a gyflawnir gan yr heddlu. Mae ymchwiliadau i gam-drin plant yn rhywiol yn cael eu cynnwys yn ein gwaith craidd presennol, gan gynnwys Operation Linden, ein hymchwiliadau sy'n canolbwyntio ar Rotherham. 

Er ein bod wedi ail-ffocysu ein hymdrechion yn y maes hwn yn ddiweddar, mae gennym hanes o fynd i'r afael â materion sy'n ymwneud â VAWG.

Yn y blynyddoedd diwethaf:

• Rydym wedi cyhoeddi rhifyn o'n canllawiau Focus ar drais yn erbyn menywod a merched (VAWG). Mae'r cyhoeddiad hwn yn ganllaw ymarferol i'r rhai sy'n ymdrin â chwynion ynglŷn â ymdriniaeth o gwynion yn erbyn yr heddlu a materion ymddygiad cofnodadwy sy'n ymwneud â VAWG. Mae'n eu cefnogi i ymdrin â chwynion yn briodol ac yn gwella safonau.
• Rydym wedi cyhoeddi rhifyn o'n cylchgrawn Dysgu’r Gwersi gyda ffocws ar drais yn erbyn menywod a merched (VAWG). Mae'r rhifyn hwn yn codi ymwybyddiaeth o'r materion allweddol rydym yn gweld yn ein gwaith ac yn tynnu sylw at gyfleoedd dysgu pendant i wella ymateb yr heddlu i VAWG.     
• Gwnaethom lansio ymgyrch i gefnogi menywod a merched i gael mynediad at y system cwynion am yr heddlu, ac i gael yr hyder i gyflwyno cwyn os bydd angen..
• Cyhoeddon ni ein canllaw, Diweddu'r arfer o feio dioddefwyr: trais yn erbyn menywod a merched: Pam mae iaith, agweddau, ac ymddygiadau'n bwysig.
• Cyhoeddwyd ein hadroddiad llawn ar drin achosion o'r dechrau i'r diwedd yn erbyn trais yn erbyn menywod a merched (VAWG), a'n hadroddiad cryno, lle gwnaethom adolygu 121 o ffeiliau cwynion a materion ymddygiad mewn heddluoedd lle roedd trais yn erbyn menywod a merched yn ffactor.
• Gweithion ni'n agos gyda’r Coleg Plismona, Arolygiaeth Cwnstabliaeth a Gwasanaethau Tân ac Achub Ei Fawrhydi ar uwch-gwyn y Ganolfan Cyfiawnder i Fenywod ynghylch Cam-drin Domestig gan yr Heddlu. Wedyn, cyhoeddom grynodeb o'n canfyddiadau ynghylch gwaith heddluoedd Lloegr a Chymru i fynd i'r afael â cham-drin domestig gan yr heddlu (PPDA). Bydd hyn yn cefnogi heddluoedd i ymateb i'r broblem ddifrifol o gam-drin domestig gan heddlu, ac yn meithrin mwy o ymddiriedaeth a hyder yn yr heddlu.
• Rydym wedi cyhoeddi ein adroddiad ymchwiliad ar y cyd gydag HMICFRS a’r Coleg Plismona i uwch-gŵyn a wnaed gan Ymddiriedolaeth Suzy Lamplugh ar ran y Consortiwm Cenedlaethol ar Stelcio, ynglŷn ag ymateb yr heddlu i stelcio.
• Cyhoeddom ddadansoddiad ystadegol o atgyfeiriadau sy'n ymwneud â thrais yn erbyn menywod a merched i helpu nodi lle gellir gwneud gwelliannau a darparu data cymharol ar gyfer dadansoddiadau yn y dyfodol.
• Gwnaethom lansio ymgyrch cenedlaethol i godi ymwybyddiaeth o’r System Ateb Distaw.
• Gwnaethom rannu argymhellion dysgu gyda'r heddlu yn yr ardal hon, megis ein adroddiad ar Operation Hotton a ddatgelodd broblemau sylweddol ynghylch rhywiaeth, aflonyddu a misogynedd yng ngorsaf heddlu Charing Cross.
• Cyhoeddon ni rifyn o’r cylchgrawn Dysgu’r Gwersi a oedd yn ymdrin â cham-drin pŵer at ddibenion rhywiol o fewn plismona.
• Gweithion ni'n agos gyda'r NPCC, Cymorth i Fenywod a Cymorth i Fenywod Cymru i helpu i godi ymwybyddiaeth o'r ymgyrch #youarenotalone.