Datganiad ynghylch ein ymchwiliad i'r cyswllt a gafodd swyddogion Hampshire ac Ynys Wyth gyda Henry Nowak

Cyfarwyddwr IOPC Derrick Campbell:

“Mae ein meddyliau a’n cydymdeimlad yn parhau gyda phawb yr effeithiwyd arnynt gan farwolaeth drychinebus Henry Nowak.

"Mae ein ymchwiliad annibynnol i'r cyswllt a gafodd swyddogion Hampshire ac Ynys Wyth gyda Mr Nowak yn union cyn ei farwolaeth ar 4 Rhagfyr, gan gynnwys y defnydd o gefynnau gan swyddogion a'r cymorth cyntaf a ddarparwyd, yn parhau."  

“Dechreuodd ein ymchwiliad yn dilyn atgyfeiriad gorfodol gan yr heddlu, a dderbyniwyd gennym yr un diwrnod.  

“Rydym yn cydnabod bod yr achos hwn wedi codi cwestiynau ynghylch gweithredoedd y swyddogion a oedd yn bresennol ac rydym yn ymwybodol bod yr heddlu wedi cyhoeddi ychydig funudau o fideos corff-wisgedig yn dilyn diwedd yr achos troseddol.

“Fel rhan o’n ymchwiliad parhaus, rydym yn adolygu llawer iawn o fideos corff-wisgedig yr heddlu, ac mae angen i ni eu hystyried yng nghyd-destun tystiolaeth arall rydym wedi cael, gan gynnwys adolygu deunydd a gyflwynwyd yn ystod yr achos llofruddiaeth, wrth i ni sefydlu’r amgylchiadau llawn.

“Nawr bod yr achos troseddol wedi dod i ben, rydym yn bwriadu cyfarfod â theulu Mr Nowak a rhoi’r wybodaeth ddiweddaraf iddynt am ein ymchwiliad.

“Mae’r swyddogion dan sylw yn cael eu trin fel tystion ar hyn o bryd, ond fel gyda phob ymchwiliad, mae hyn yn cael ei gadw dan adolygiad parhaus.”