Ymchwiliad Charing Cross - swyddog wedi’i gyhuddo o wyrdroi cwrs cyfiawnder

Mae swyddog o Heddlu’r Met wedi cael ei gyhuddo o wyrdroi cwrs cyfiawnder fel rhan o’n ymchwiliadau parhaus i ymddygiad swyddogion yng ngorsaf heddlu Charing Cross.

Mae disgwyl i’r Rhingyll Heddlu Sadiq Al-Hasani, 37 oed, ymddangos yn Llys Ynadon Westminster yfory (30 Medi), yn dilyn ymchwiliad gan Swyddfa Annibynnol Ymddygiad yr Heddlu (IOPC).

Mae’r cyhuddiad yn ymwneud â digwyddiad ar 2 Hydref 2025 pan honnir i’r rhingyll fynd at swyddog iau, a oedd yn dyst allweddol posib yn ymchwiliad ehangach Charing Cross, gyda’r bwriad o rwystro neu ymyrryd â’r ymchwiliad.

Dechreuodd ein ymchwiliad yn dilyn atgyfeiriad ymddygiad gorfodol gan yr Heddlu Metropolitan ar 3 Hydref. Ar ddiwedd ein ymchwiliad ym mis Mehefin, gwnaethom benderfynu atgyfeirio ffeil o dystiolaeth at Wasanaeth Erlyn y Goron, a awdurdododd y cyhuddiad.