Ymchwiliad i ymateb Heddlu Swydd Lincoln i bryderon am les plant

Mae Swyddfa Annibynnol Ymddygiad yr Heddlu (IOPC) wedi dechrau ymchwiliad i ymateb Heddlu Swydd Lincoln i bryderon am les plant ar ôl i blentyn bach gael ei ddarganfod yn ddiweddarach gydag anafiadau difrifol.

Mynychodd swyddogion gyfeiriad yn Kirton, Boston, ar 8 Gorffennaf a darganfod dau blentyn ifanc oedd angen triniaeth ysbyty. 

Cyfeiriodd Heddlu Swydd Lincoln y mater atom ar 9 Gorffennaf oherwydd presenoldeb blaenorol yr heddlu yn y cyfeiriad ac, ar ôl asesu’r dystiolaeth sydd ar gael ar hyn o bryd, rydym wedi penderfynu ei bod yn briodol i ni gynnal ymchwiliad annibynnol.

Rydym wedi sefydlu bod pryder cychwynnol am les wedi cael ei adrodd i’r heddlu gan aelod o’r cyhoedd ar 23 Mehefin a bod yr heddlu wedi ymweld â’r eiddo ar 2 Gorffennaf i gynnal ymholiadau.

Bydd ein ymchwiliad yn archwilio gweithredoedd a phenderfyniadau swyddogion a staff mewn perthynas â’r pryderon am lesiant, gan gynnwys unrhyw asesiad o risg a diogelu ar gyfer y plant, yr adnoddau sydd ar gael i Heddlu Swydd Lincoln, ac ymgysylltiad yr heddlu ag asiantaethau eraill, yn enwedig gwasanaethau plant.

Rydym wedi cyflwyno hysbysiad i un swyddog, sef Cwnstabl Heddlu, eu bod o dan ymchwiliad am gamymddwyn difrifol posib. Rydym yn crefu bod yna arwydd y gallent fod wedi torri safonau proffesiynol yr heddlu sy’n ymwneud â dyletswyddau a chyfrifoldebau, ac ymddygiad sy’n dwyn anfri. 

Dywedodd Cyfarwyddwr Ymgysylltu IOPC, Emily Barry: “Roedd angen triniaeth ysbyty brys ar y ddau blentyn a gafodd eu cymryd o’r cyfeiriad. Cafodd yr ieuengaf o’r ddau driniaeth yn yr ysbyty am sawl diwrnod, ond rwy’n falch o adrodd bod y ddau bellach wedi cael eu rhyddhau ac yn cael eu gofalu amdanynt. 

“Rydym yn gwneud cynnydd cyflym ar ein ymchwiliad ymddygiad, ac mae un swyddog wedi derbyn hysbysiad bod ei ymddygiad yn cael ei ymchwilio. Bydd ein ymchwiliad hefyd yn ystyried ymateb ehangach yr heddlu i’r digwyddiad, sut y cafodd y pryder am les ei raddio, blaenoriaethu llwyth gwaith, ac adnoddau.”