IOPC yn ymchwilio ar ôl gwrthdrawiad traffig marwol yn Sheerness

Mae Swyddfa Annibynnol Ymddygiad yr Heddlu (IOPC) yn ymchwilio i amgylchiadau gwrthdrawiad marwol yn ymwneud â moped a ddigwyddodd ar Ynys Sheppey yng Nghaint y penwythnos diwethaf.

Yn anffodus, bu farw dyn 18 oed, ac mae person 16 oed yn parhau i fod yn yr ysbyty gydag anafiadau sy'n bygwth ei fywyd.

Cynhaliwyd archwiliad post-mortem ddydd Mercher 4 Tachwedd, ac nid oes dyddiad ar gyfer y cwest wedi cael ei drefnu eto.

Cawsom wybod gan yr heddlu fod moped wedi gwrthdaro ychydig cyn 7.50yh ger Canolfan Hamdden Sheppey ar ddydd Sadwrn 31 Hydref.

Rydym wedi cadarnhau bod swyddogion Heddlu Caint, cyn y gwrthdrawiad, wedi gweld moped tra oeddent ar batrôl ar droed. Ceisiodd y swyddogion fynd ato cyn i'r gyrrwr yrru i ffwrdd.

Bu'r moped mewn gwrthdrawiad yn fuan wedyn, a chyrhaeddodd y swyddogion y safle i roi cymorth cyntaf brys ac i alw ambiwlans.

Ni ddechreuodd y swyddogion unrhyw ddilyn, ac ar hyn o bryd mae nhw i gyd yn cael eu trin fel tystion yn ystod y cam cynnar hwn o'n ymchwiliad.

Mynychodd ymchwilydd weithdrefnau ôl-ddigwyddiad yr heddlu o bell er mwyn dechrau casglu tystiolaeth, sy'n cynnwys deunydd CCTV cyfagos a datganiadau cychwynnol gan swyddogion.

Rydym wedi siarad â theuluoedd y ddau berson ifanc er mwyn egluro ein rôl, a byddwn yn eu diweddaru wrth i'n ymchwiliad fynd yn ei flaen.

Dywedodd Emily Barry, Cyfarwyddwr Ymgysylltu IOPC:

"Mae ein meddyliau gyda theuluoedd a ffrindiau'r bobl ifanc, a phawb arall sydd wedi cael eu heffeithio gan y digwyddiad hwn.

"Mae'n bwysig ein bod yn sefydlu holl amgylchiadau'r digwyddiad hwn, ac mae ein ymchwiliad yn ei gamau cynnar iawn.

"Digwyddodd y gwrthdrawiad ger Canolfan Hamdden Sheppey, a byddem yn annog unrhyw un a allai fod wedi bod yn dyst i'r gwrthdrawiad neu'r cyfnod cyn iddo ddigwydd i gysylltu â ni a rhoi gwybod am yr hyn a welsant.

"Rydym wedi adolygu rhywfaint o ddeunydd CCTV y cyngor a'r ganolfan hamdden, ond byddem hefyd yn croesawu unrhyw ddeunydd ffilm gan aelodau o'r cyhoedd."

Gofynnir i dystion gysylltu ag ymchwilwyr IOPC drwy ffonio 0300 303 5613 neu drwy e-bostio [email protected].