Uwch-gwynion
Mae'r system uwch-gwynion yn caniatáu i gyrff penodedig (megis elusennau) godi materion eang a allai effeithio ar hyder y cyhoedd mewn plismona – er enghraifft, y ffordd o ddelio ag achosion cam-drin domestig.
Caiff y system ei rheoli gan Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS). Caiff uwch-gwyn ei asesu gan bwyllgor sy’n cynnwys ni ein hunain a HMICFRS.
Nid yw uwch-gwynion yn ffordd amgen o godi mater unigol o ran ymddygiad. Yn hytrach, gallai uwch-gwynion sbarduno gweithredu mewn maes penodol o blismona a allai arwain at newid safonau gan Goleg yr Heddlu, archwiliad gan HMICFRS, neu argymhelliad i newid arfer mewn un neu fwy o luoedd.
Dylid cyflwyno cwynion am achosion unigol o gamymddwyn i’r heddlu yn y modd arferol.
Er mwyn gallu gwneud uwch-gwyn, rhaid i sefydliad wneud cais i'r Swyddfa Gartref i ddod yn gorff dynodedig. Ni all aelodau'r cyhoedd gyflwyno uwch-gwyn. Dysgwch fwy am sut i ddod yn gorff dynodedig.
A triage committee comprising of ourselves, HMICFRS, and the College of Policing is responsible for assessing a super complaint and deciding what action, if any, will be taken in response.
Mae pwyllgor triage sy'n ein cynnwys ni, HMICFRS, a'r Coleg Plismona yn gyfrifol am asesu uwch-gwynion a phenderfynu pa gamau, os o gwbl, y cymerir fel ymateb.
Mae Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS), y Coleg Plismona a IOPC (yr awdurdodau gwneud penderfyniadau) yn gyfrifol ar y cyd am ymateb i uwch-gwynion am yr heddlu.
Mae eu cyfrifoldebau fel awdurdodau gwneud penderfyniadau ar gyfer uwch-gwynion am yr heddlu yn cael eu nodi yn Rheoliadau Uwch-Gwynion am yr Heddlu (Dynodiad a Gweithdrefnau) 2018 (y rheoliadau).
Mae'r memorandwm dealltwriaeth hwn yn nodi sut bydd HMICFRS, y Coleg Plismona, a'r IOPC yn cydweithio i ymateb i uwch-gwynion am yr heddlu, er mwyn cefnogi ein nod casgliadol o hybu gwellannau o fewn yr heddlu.
Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS)
Mae HMICFRS yn gorff annibynnol sy'n asesu ac yn adrodd ar effeithlonrwydd ac effeithiolrwydd lluoedd heddlu a'r heddlu, er budd y cyhoedd. Caiff hyn ei gyflawni'n bennaf drwy raglen arolygu flynyddol sy'n arwain at argymhellion, sy'n cael eu hystyried gan brif gwnstabliaid a swyddogion eraill. Nid yw HMICFRS yn ymchwilio i gwynion unigol gan aelodau o'r cyhoedd.Coleg Plismona
Mae'r Coleg Plismona yn gorff proffesiynol i bawb sy'n gweithio i'r gwasanaeth heddlu yng Nghymru a Lloegr. Mae'r coleg yn bodoli er mwyn darparu'r sgiliau a'r wybodaeth sydd eu hangen i atal troseddu, amddiffyn y cyhoedd, a sicrhau ymddiriedaeth y cyhoedd yn yr heddlu. Nid yw'r Coleg yn ymchwilio i gŵynion unigol gan aelodau o'r cyhoedd.