Ymchwiliad IOPC ar y gweill yn dilyn gwrthdrawiad ffordd marwol ym Middlesbrough ar ôl erlid gan yr heddlu

Mae Swyddfa Annibynnol Ymddygiad yr Heddlu (IOPC) yn ymchwilio i amgylchiadau gwrthdrawiad traffig ffordd marwol ym Middlesbrough yn dilyn erlid a oedd yn cynnwys swyddogion Heddlu Cleveland.

Ar y cam cynnar hwn, rydym yn deall bod Heddlu Cleveland wedi gweld cerbyd amheus a bod erlid wedi dechrau.

Teithiodd y car i'r A66 yn South Bank a gwrthdarodd â char heddlu am 3.39yb. Gallwn gadarnhau, yn anffodus, fod nifer o bobl wedi marw yn y gwrthdrawiad.

Yn dilyn atgyfeiriad gorfodol gan yr heddlu, fe wnaethom ddatgan ymchwiliad annibynnol am 6.03am.

Dywedodd Nicola Marfleet, Cyfarwyddwr Ymchwiliadau IOPC: “Mae hwn yn ddigwyddiad trasig, ac mae fy meddyliau gyda'r teuluoedd a'r ffrindiau a phawb yr effeithiwyd arnynt, gan gynnwys y gwasanaethau brys a oedd yn bresennol.

“Mae ein ymchwiliad yn ei gamau cynnar iawn. Rydym wedi anfon ymchwilwyr i'r gweithdrefnau ôl-ddigwyddiad er mwyn dechrau adolygu'r dystiolaeth.

“Pan fydd rhywun yn marw yn dilyn cysylltiad â'r heddlu, mae'n ofynnol yn statudol i'r mater gael ei atgyfeirio at IOPC. Ein rôl ni yw sefydlu ac archwilio amgylchiadau'r hyn a ddigwyddodd; mae'r gwaith hwn eisoes ar y gweill, ac mae Heddlu Cleveland yn cydweithredu â'n ymholiadau. Byddwn yn darparu diweddariad pellach pan fyddwn mewn sefyllfa i wneud hynny.”