Swyddog Heddlu Wiltshire yn cyfaddef i ymosod ar fachgen 13 oed

Mae swyddog Heddlu Wiltshire wedi cyfaddef i ymosod ar fachgen mewn maes parcio gorsaf heddlu yn dilyn ymchwiliad gan Swyddfa Annibynnol Ymddygiad yr Heddlu (IOPC).

Gwthiodd PC Daniel Rusling y bachgen 13 oed dro ar ôl tro a’i lusgo wrth ei ddillad yn ystod gwrthdaro ym maes parcio gorsaf heddlu Monkton Park, Chippenham, tua 3yb ar 14 Hydref y llynedd.

Roedd y bachgen, ymysg grŵp o chwech o blant yn y maes parcio, wedi ffonio 999 i ofyn am gymorth yr heddlu ar ôl adrodd ei fod wedi cael ei fygwth gan deithwyr mewn cerbyd.

Rhegodd PC Rusling wrth y bachgen pan ofynnodd am lifft adref a’i wthio’n ymosodol gyda dwy law chwe gwaith, gan ei dynnu wrth ei ddillad tuag at yr allanfa, mewn ymateb i’r ffaith ei fod yn sefyll o flaen ei gerbyd heddlu.

Honnwyd bod lefel y grym a ddefnyddiwyd yn erbyn y arddegwr, oedd ddim wedi’i anafu, yn anghyfreithlon, ac fe gyhuddwyd PC Rusling o un cyhuddiad o ymosodiad trwy guro, yn groes i Adran 39 o’r Ddeddf Cyfiawnder Troseddol.

Ymddangosodd y dyn 30 oed yn Llys Ynadon Bryste ddoe (21 Mai) lle cyfaddefodd i’r cyhuddiad. Gohiriwyd yr achos ar gyfer adroddiadau cyn-ddedfrydu tan 30 Mehefin.

Penderfynom ymchwilio’n annibynnol i’r mater yn dilyn atgyfeiriad ymddygiad gorfodol a wnaethpwyd gan Heddlu Wiltshire ar 28 Hydref 2025.

Cyflwynwyd ffeil o dystiolaeth i Wasanaeth Erlyn y Goron (CPS) ar 4 Ebrill ac ar 8 Ebrill gwnaethant awdurdodi un cyhuddiad o ymosodiad trwy guro. Mae ein ymchwiliad ymddygiad yn parhau.